Latest update August 6th, 2026 12:35 AM
Latest News
Dem FDI giving we mo F than DI
Kaieteur News – Guyana gat some farrin firm wah plundering we resources. Dem gat all kind of fancy names some dat sound nice, except when deh start fuh layoff dem workers.
And is dem small number of jobs wah dem does create wah does kerfuffle some of dem big boys. Dem head does leff dem body when dem hear about de jobs.
De easiest way fuh get tax concession in Guyana is fuh use de magic words: ‘ jobs’ deh. Dem fools wah does run de country does tell de people how dem attracting FDI – foreign direct investment. Dem boys seh some of dem FDI nah come hay fuh help we. Dem come hay fuh rape we resources, exploit we workers and mek money. Dem like vampire and old higue. Dem does suck yuh dry.
Dem boys nah wan hear about FDI no more. Dem wan here bout LDI – local direct investment. De local people gat de money fuh invest. If dem invest in we gold and we diamond and we oil and we bauxite, den the money nah gun get send to farrin. It gan remain right hay and mek we country rich.
De local banks flooding with money. Dem does talk how dem liquid. Dem gat de cash but not much to invest it in. And pun top of dat de government does gat fuh pay billions of dollars each year fuh sop up de money so that de cost of living nah raise.
Dem boys calling fuh LDI- local direct investment. Dem wan see locals get a piece of de action. Dem foreign company dredging out we gold and bauxite, digging out we diamond and when dem done, the country mo bruk than when de FDI did start.
Talk Half! Leff Half!
Share this:
Discover more from Kaieteur News
Subscribe to get the latest posts sent to your email.
Similar Articles
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
