Big wuk fuh some; small clap fuh others

Sep 14, 2025 Dem Boys Seh, Features / Columnists

Kaieteur News – Dem boys seh is big season of appointments. Permanent Secretaries and advisers sprouting up like jumbie umbrella after rain. And technical officers? Yuh would believe is new kind of crop rotation. One after the other springing up in all ministry.

Dem boys want fuh congratulate dem new appointees. Is nice fuh see people getting big wuk. Dem boys seh best of luck, and remember, when yuh taking public money, it supposed fuh be public service, not private enterprise. Some ah dem same appointees might still be running dem own business. So, watch out. Conflict of interest does sneak in like mosquito in mosquito net. Dem boys seh maybe some of dem should do the job pro bono. That is Latin fuh “wuk free.” But in Guyana, pro bono does sound like “pro bone-in chicken.”.

Meanwhile, dem boys watching de long-serving public servants. Dem is the real marathon runners. Twenty, thirty years pushing pen, stamping paper, shifting file from one desk to another, only fuh see outsider waltz in, get big title, big office, and big chair with cushion. Dem career civil servants left sitting pon the same squeaky chair since Burnham time.

Speaking of Burnham, dem boys seh the man had one trick. If people vex, they ain’t getting promotion, he does just create a wuk. Chief Officer of Smiling. Deputy Director of Common Sense. Permanent Secretary for Permanent Lime. Everybody used to get something so nobody lef out.

Now, dem boys seh is bare disaffection in the system. Imagine yuh grinding whole life, waiting fuh recognition, only fuh see fresh face parachute in from private sector, land straight pon big desk. Dem inside workers feeling like dem playing cricket whole day, only fuh outsider come in and bat last ball and get man-of-the-match.

Dem boys seh the moral of the story simple. Recognition sweet, but fairness sweeter. Yuh cyan sideline the loyal ones who keep the engine running while giving all the spotlight to imported stars. One day, the grinding workers might just decide fuh stop grinding. And when that happen, no appointment letter gon save yuh.

Talk half. Leff half.

Discover more from Kaieteur News

Subscribe to get the latest posts sent to your email.

advisers, appointments, Dem Boys Seh, Permanent Secretaries

Latest News

Big wuk fuh some; small clap fuh others

Discover more from Kaieteur News

Similar Articles

Listen to the The Glenn Lall Show

Follow on Tik Tok @Glennlall

THE BLUNT OF THE DAY

Sports

Ann’s Grove hunt second win against New Campbellville Sec’

VIEW ALL SPORTS

Features/Columnists

Jagdeo and the myth of climate realism

Sir. Ronald Sanders

War in Iran, Pain in the Caribbean

The GHK Lall Column

Mission Mohameds Extradition – beware, PPP beware

Publisher’s Note

Weekend Cartoon

Bridge Watch

> Berbice Bridge […]