De Maldives owe China nuff nuff money. How much we owe dem Jagdeo?

Nov 26, 2018 Dem Boys Seh, Features / Columnists, News

An advice to all brothers. Marry a woman that can cook; love may die, beauty will fade but hunger is constant.
De new govt of de Maldives come to power one week now and de president holding he head and hollering. He seeing constant hunger fuh de whole country.
Six days after de Govt tek office de Chinese ambassador give ee Foreign Minister a note wid a figure.
De note seh that Maldives owe China US$3.2 billion. That is wheh de headache start because when de country do de Maths it wuk out to US$8000 fuh each citizen—man women and children, even baby wha just born.
China carry dem lending spree to de people and de previous Govt stretch dem hand like prostitutes. Dem go pun a building spree.
When a prostitute tek you money she go to deliver if she can’t give you back. De Maldives find demself in a similar situation.
De Chinese like dem boys that don’t like see skirt. De difference is that de Chinese don’t like see land that has worth. It never offer to lend or lend any country that don’t have anything.
Everybody remember Jagdeo and Robeson Benn tell de nation that a Chinese Vice President was passing through de region waving billions and like a prostitute, dem tek.
Dem boys seh up to now de nation don’t know how much money Jagdeo tek from de Chinese. De only thing dem boys know about is de US$138 million fuh de airport.
Soulja Bai save de day otherwise de few cent Guyana expect fuh every barrel of oil woulda go to pay de Chinese loan.
By the time China, India, de Canadians and de rest done with Guyana de country wouldn’t have enough oil to pay debt.
Everybody know when a prostitute can’t pay back she got to give up something. De Chinese already done tek over some of de 1900 islands in de country.
De old president of de Maldives, according to de new ministah, already give up an unspecified number of islands to de Chinese.
And China suh bareface it seh de people of Maldives welcome de Chinese, just like wha Jagdeo did seh when he give BaiShanLin three-quarter of Guyana.
Dem boys want to know wha odda deals Jagdeo sign that de country don’t know about.
Dem also want to know if de Shaat Baccoo in de coalition sign away anything that Soulja Bai don’t know about.
After all we love Guyana and we need to love and protect every inch of it.
Talk half and hope Soulja Bai keep Guyana away from constant hunger.

Discover more from Kaieteur News

Subscribe to get the latest posts sent to your email.

Latest News