We gan soon all be talking Spanish

Jun 26, 2023 Dem Boys Seh, Features / Columnists

Dem Boys Seh…

Kaieteur News – Hold on to yuh sombreros, folks, ’cause things ’bout to get real interesting in Guyana. De President done seh dem considering mekkin Spanish mandatory in schools.

Ah tell yuh, dem boys ain’t worry ’bout a ting. Soon yuh won’t be able to walk a step without hearin’ Spanish flyin’ outta people mouth like parrots in a rainforest.

Picture dis, nah. Yuh strollin’ down Regent Street, and instead ah de usual hustle and bustle, yuh bombarded wid Cubans and Venezuelans at every corner. Dem boys seh dem Spanish done wukkin’ in most of de stores on Regent Street, the busiest shopping street in de country.

Yuh want a cigar, mi amigo? No problemo! Yuh want some salsa lessons on de side? Si, señor! It go be like a Latin carnival right deh on de pavement.

But wait, de madness nah done yet! Dem boys seh even roadside and traffic junction go get in pon de act.

Spanish-speaking immigrants propping up de economy. Dem boys seh without these Venezuelan and Cuban compañeros de construction industry would be like a house ah cards. We don’t have enough workers to do work in de country. Without de Spanish immigrants, de construction industry dead.

And don’t even get me started on de bars and restaurants. Dem places would be in a state of emergency without dem Spanish-speaking staff to mix up de cocktails, whip up de tapas, serve de customers and clean de place afterwards.

And yuh know what else would suffer? De oldest profession in de world. But dem boys nah know too much about that wuk.

So, meh friends, as we gear up fuh dis linguistic invasion, leh we embrace it with open arms and open textbooks. Instead of “Good Morning”, we gan soon be greeting each other with “Buenos Dias”, like we born with Spanish in we blood.

So get yuh maracas ready, polish up yuh salsa moves and prepare fuh de ride of yuh life. Guyana is about to become a Spanish-speaking country.

Talk half. Leff half.

Discover more from Kaieteur News

Subscribe to get the latest posts sent to your email.

Latest News