Dem boys seh Jagdeo motion lef a smell in parliament

Dec 22, 2018 News

De no confidence motion was a hot thing. In de days leading up to de motion, was like everybody drink salts. People start to write pun social media warning people to keep away from Parliament.
When dem boys read de messages dem think that de sewerage woulda overflow and de place woulda flood. Dem even believe that nobody had enough air freshener to deal wid de situation.
Then some people try to scare de whole country. Gail ask fuh strong police presence. When dem boys hear that dem believe that Gail was expecting a riot. But even before she write to de Police Commissioner Jagdeo start fuh spread de word that de coalition gun pack thugs and hooligans inside Parliament fuh shout down de PPP people when dem talk.
It was more than a case of pushing de panic button; it was a case of preparing fuh wha dem know was to happen. Dem line up a man who was neither fish nor fowl. He was supposed to be KFC now he dead meat because people vex.
In de first place when Jagdeo file de motion he jump at de chance because Soulja Bai was sick and out of de country. He try to get dem to debate de motion early. Then when he didn’t get his way he threaten to go to court once Moses who part de Red Sea refuse to give up he seat in parliament. He start to dream about being de president behind de throne.
When Soulja Bai comeback de same Jagdeo ask de coalition to postpone de debate. He claim how is Christmas and he want de people to get a good Christmas. Dem boys know that he was hoping that Soulja Bai go way to Cuba early in de year suh he, Jagdeo, coulda pick on Moses, de man who part de Red Sea.
That was when he did expect to bring back de motion.
De no confidence motion come and gone. Nuff people vex. Jagdeo get through because he had a spy inside de coalition and when de time come de spy show he colours. He got nuff people crying. De shock even got some people dumb.
Nuff people move motion And Jagdeo happy.
Talk half and wait fuh de elections

Discover more from Kaieteur News

Subscribe to get the latest posts sent to your email.

Latest News