Latest update April 6th, 2026 12:35 AM

Guyana's largest selling daily and New York's most popular weekly

Latest News

Dem boys seh…Nuff people get shortchange

Feb 21, 2014 Dem Boys Seh, Features / Columnists, News

Mash coming and City Hall worried about de money it shoulda get if de Town Clerk didn’t play de fool and charge people too much.  She see names like Ansa McAl and Banks and DDL and decide that dem got money.
De shock come when one of dem company talk loud and clear that it ain’t paying that kind of money to sell two beer and some rum to people who line de Mash route.  But she decide that she ain’t cutting losses, suh she want charge people fuh setting up a tent and sit down pun de mall.
Well dem boys seh that she gun get serious raiding if she only try fuh tell dem or dem family anything. And de poor woman ain’t got backing because de man who set she in business get chase home. Dem boys know that Donald chase home Ganga because of something he do.
And while she looking fuh money, Prakash looking fuh cut a deal wid Donald. He now claim that he party mekking compromise pun de Public Procurement Commission.  Donald did tell  he a long time ago that he should drop de link to the Procurement Commission but dem boys believe that somebody was holding out fuh a raise.
Hap New also had plans fuh collect and that is why dem put de Bill through all that problem. Poor Donald see wha was happening but he didn’t have access to de money. De Rat is de man who got control of all de money. And then again dem lose out when Amaila collapse. De people who woulda build de hydro did done prepare fuh lose some money. Even Fip woulda draw down.
Anyhow, Donald didn’t have de money fuh top up Prakash and de Hap New people. And talking bout top up, Donald got another problem pun he hand. He still got to get some answers from de Americans. De people tell dem boys that dem can’t deal wid Rohee but that dem gun try wid Donald, suh he got to write. Dem boys waiting to see how this gun end,
Talk half and watch Donald dance.

Discover more from Kaieteur News

Subscribe to get the latest posts sent to your email.

Similar Articles