Dem overseas Guyanese more anxious than we…

Nov 30, 2025 Dem Boys Seh, Features / Columnists

(Kaieteur News) – Dem boys seh long, long ago December had a rhythm. Yuh didn’t start buy one single bulb or a ting till Uncle Joe in Brooklyn collect he bonus and Auntie Mabel get she lil’ December paycheck. Then, just so, Western Union would light up like a Christmas tree, and families back home start shopping. That was the unofficial signal: “Remittances deh! Christmas start!”

But today? Is like people forget who used to sponsor de season. Nowadays is not remittance people waiting pun— is cash grant. And wha mek it worse? Dem boys notice is not even Guyanese home here asking the most questions. Is dem Guyanese in foreign messaging whole day like immigration officers: “Buddy, y’all get de $200,000 yet? When it dropping? Y’all hear anything?”

Imagine that—people in New York more anxious than people in New Amsterdam. Dem boys seh some ah dem overseas folks refreshing Facebook every five minutes hoping to see, “Cash Grant Out Now!” as if they planning to apply too.

So leh we set the record straight before people start planning to spend money that never come. Dem boys seh listen carefully: There is not likely to be any cash grant for Christmas for the general population. Zero. Nada. Not even a lil’ voucher to buy pepperpot meat. It too late to do that. So tek yuh mind off that. Ease yuh pressure. Free up yuh brainstem.

Instead, go back to the classic Guyanese Christmas tradition: Ask yuh family overseas to send the usual amounts—plus a lil’ something extra—because, leh we be real, everything in Guyana gone up except sugar production.

Meanwhile, is a two-type-of-people season:
(1) Who got money spending like if Santa on payroll.
(2) Who don’t have money borrowing like if Santa running a credit union.

Dem boys seh nobody should be planning a “cash grant Christmas.” This year is Crash Gyant—everything crash: hopes, expectations and dem lil’ private plans people done make fuh buy new fridge, new TV and new outfits fuh de children concert.

So hear wha: forget cash grant. Forget crash gyant too. Go back to basics—holiday spirit, a lil’ family vibes, and beg yuh overseas people nice-nice. After all, is tradition.

Talk half. Leff half.

Discover more from Kaieteur News

Subscribe to get the latest posts sent to your email.

anxious, cash grant, Dem Boys Seh, Guyanese, overseas

Latest News