Latest update July 11th, 2026 12:35 AM
Latest News
When yuh stand up to Trump, he does back down
Dem Boys Seh
Kaieteur News- Dem boys seh when a man seh he givin’ yuh a lil slap fuh balance things out, and then he bring a big bat, yuh know he ain’t come fuh no lil tap—he come fuh war. Well, that is exactly wah Donald Trump doin’ with he so-called “reciprocal” tariffs. Dem boys want fuh know, reciprocal fuh who? Guyana?
Yuh see, Trump ain’t playin’ no trade skirmish game. He launchin’ an all-out trade war, and de whole world got to tek notice. But some people still think he just “adjusting” trade relations. Dem boys seh Vee Pee better wake up and smell de duty-free coffee. This is not about no rebalancing—this is economic warfare.
Look how Canada and Mexico stand up to Trump. De man talk big, seh he gon’ shut dem down, slap on tariffs, but guess wah? Dem boys hold dem ground, and he had to back down like a schoolyard bully who meet he match. Even Europe slap he back with some hard tariffs. And China gat dem farmers in Ohio feeling some pain.
Now Guyana find itself in de middle of a big, global trade fight. Dem boys seh, we can’t sit down and hope fuh de best. Is time fuh realignment. Time fuh Guyana fuh recognize dat dis ain’t no back-and-forth game—dis is a World Trade War, and Americuh start it. If we don’t tek action, we gon’ get ketch in de crossfire and end up payin’ more fuh everytin’ from rice to rope.
Dem boys seh if yuh see a man punchin’ everybody in de face, yuh don’t go run up and hug he. Is time fuh we fuh look at we trade relations, find we real friends, and realign. Because when yuh stand up to Trump, history prove one thing—he does back down!
Talk half, leff half!
Share this:
Discover more from Kaieteur News
Subscribe to get the latest posts sent to your email.
Similar Articles
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
