Latest update August 19th, 2026 8:14 PM
People now asking fuh dem invitation
Dem Boys Seh…
Kaieteur News – Deh used to had a time when if yuh nah get invite to an event, yuh used to swallow yuh pride and stay yuh distance. Yuh does see de host and not even mention de non-invite or de event. That was de social etiquette of de time.
Dem hosts used to mek sure that dem invite de crème of society. De gatherings were as exclusive as a politician promise. But sometimes even some of dem close friends used to get leff off de invitation list. But while it hurt dem friends, dem nah complain openly.
Of course when it comes to weddings, sometimes yuh does have a group of persons wah nah mek de invitation list but who still turn up fuh get a peep of de bride. Even some of de bridegroom ex-partners does turn up out of fastness just fuh see wah de bride look like, wah dress she wearing how high are her shoe heels.
But even though time is said to be longer than twine, things are changing. Nowadays people wah nah get invite to an event does call up de host and demand dem invitation. Armed with a phone, a cheeky grin, and a complete disregard for invitations, they now dial up hosts as if they were calling for pizza delivery. Dem nah gat no pride and self-respect; deh only interested in being part of the event and consorting with the socialites. So when dem nah get invite, dem does invite themselves. Why bother respecting personal boundaries and the sanctity of guest lists when one can simply harass the host into submission? It’s all about appearances, darling, not substance!
De only thing dem nah gat to invite themselves to is funeral. And some of dem frighten funeral more than jumbie.
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
