Latest update May 31st, 2026 12:46 AM
Latest News
- Turkish power company holds Guyana at ransom for more $$$ as contract expires
- Exxon commences 3-month offshore inspection of Gas-to-Energy pipeline
- Widespread floods prompt Cabinet fanout amidst claims of dysfunctional pump stations
- Iran demands US$300B reconstruction fund
- Arudranauth Gossai elected new Bar Association president
Dem boys seh….Dem West Indies cricketers more interested in World Cup Football
Some people checking hospitals; dem watching death announcement and dem visiting every hospital and police station.
Dem boys seh that is that what people does do when dem want to find somebody who disappear.
Prem disappear and even he wife can’t find he. He use to deal wid fish but dem fish too small to eat he suh people want to know wha happen wid he.
Dem don’t know if he owe anybody and he hiding but even then, he woulda talk to somebody.
He is not de only one who hiding. Dem have a contractor who hiding and while people ain’t looking at TV to see if he dead dem want to hear de man talk.
This contractor get a big contract and at one stage dem boys believe that he was lying low to escape from criminals. Dem boys later find out that he simply lying idle.
But dem got some other thing that dem boys notice. West Indies crazy bout cricket. Since you miss dem gone to watch a match.
De match playing in Trinidad and de people decide to stay home. Dem who go to de ground tun dem back pun de match and watch World Cup football.
And de players did want watch football too because dem hardly stay in de crease. In de end was Chanderpaul, Deonarine and Ramdin who don’t like football that mek some runs.
Talk half. Lef half.
Share this:
Discover more from Kaieteur News
Subscribe to get the latest posts sent to your email.