Latest update October 15th, 2026 10:30 AM
De changing times
Dem Boys Seh…
(Kaieteur News) – Dem boys seh long ago, when dem boys see squash in de market, dem boys used to watch left and watch right before buying one. Because in dem days squash used to be poor man food. Squash used to rank lower than cook-up rice leftovers.
Dem boys seh years ago, if yuh pass through Bourda Market with a squash in yuh hand, people used to look at yuh with sympathy. Vendors practically used to beg people to buy squash. In fact, one time a vendor tell dem boys, “Buy de boulanger and tek de squash free before it spoil pun me stall.”
And de prices used to shameful cheap too. Yuh coulda buy one whole respectable squash for $100 and still get change back enough to buy a channa ball. But lawd man, look how life turn upside down.
Today squash done get promoted in society. Squash is now His Royal Highness Sir Squashalot de Third. Dem boys seh squash now walking round de market with more status than some government ministers.
Now when yuh approach a squash stall, yuh does feel like yuh entering a jewellery store. One tiny lil squash sitting down on de stall with a price tag that look like a phone number. Five hundred dollars for a squash that look like it still in nursery school.
Dem boys seh people now boasting about buying squash.
“Watch me nah bai! Ah cook squash las night.”
And people around yuh gasping with admiration like yuh just buy a Lexus.
At de rate things going, dem boys seh banks gon soon start offering Squash Mortgages.
“Sir, unfortunately yuh salary only qualify yuh for quarter-squash ownership at dis time.”
Dem boys seh squash now so expensive, people cutting it in scientific portions. Everybody in de house getting one lil square piece like communion wafer. Nobody can ask for seconds because de family accountant got to approve dat first.
And watch de miracle now. When squash was cheap, nobody ain’t want eat it. Now that squash expensive, suddenly everybody talking about antioxidants, fibre and healthy living.
Dem boys seh in Guyana, once a food item become expensive, it automatically become nutritious.
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
