Money coming but not fuh everybody

Jun 23, 2018 Dem Boys Seh, Features / Columnists

Every day dem boys got to hear how Guyana don’t have money; how de money stop flowing. That is why when Exxon come people start to smile because dem hear how any country that got oil money does deh good.
Dem boys hear how everybody does drive a car and people don’t have to worry about food because everybody suh rich that dem cooking all de time.
Is when de Waterfalls boss man tell dem boys that Venezuela got oil and Trinidad also got that people start to think. People running from Venezuela and leffing all de oil. In Trinidad dem killing people because dem want de money to share between fewer people.
One man remember when Jagdeo use to rule de country how money use to flow. De thing is that he use to tell Khurshid who to tax and who not to tax.
Jagdeo friends use to pay little or no tax and dem was de people who always spending because was money that should go to de Treasury. Of course Jagdeo use to get some of that.
Soulja Bai come and tell Statia to collect all de tax because old people had to get money too.
De problem come when de people who never pay tax suddenly find out that dem owe de treasury.
Dem is de people who running to Venezuela. Dem is de same people who praying fuh Soulja Bai give back de Presidency to Jagdeo. Dem know he got he eye pun de oil money.
That is money that can’t done and de more de money deh is de more these does spend. Dem is de people who use to keep all dem night club busy and de taxpayers use to pay.
Dem boys seh Exxon announce de other day that Guyana don’t know how to spend money. When Jagdeo hear that he smile because he know he would spend so much that Guyana would actually owe Exxon.
Talk half and ask Jagdeo to declare how much money he got.

Discover more from Kaieteur News

Subscribe to get the latest posts sent to your email.

Latest News