Exxon lef out Sandy’s, Lyken, Merriman and de Cemetery

Jun 06, 2018 Dem Boys Seh, Features / Columnists

Nothing worse can happen to Guyana under dis coalition govt.
De list from ExxonMobil released by de govt yesterday, is de worse thing to happen to Guyana.
Please tell de nation dat de list is a mistake and dat de statement put out by Imran Khan didn’t come from de govt.
Please tell de nation dat de list come from a mental institution cause only a lunatic would present something like dat and only anoder lunatic would release to de people of dis country.
Dem boys seh buying cassava ball, plantain chip and chicken foot from Bourda Market vendors is not local content.
However, dem boys seh if de list get de ok from de coalition govt, den God be with de future of de children of dis country.
Dat list mek Jagdeo dat scamp, and ee people look like angels from above.
When an oil company can pay all four newspapers to publish de questionable findings from a report by a consultancy firm and call de payment to de newspapers local content and de govt buys dat, den check dem brains.
When de oil company can patch a tyre at a vulcanizing shop and seh dat is local content and de govt buys dat den check dem mouth.
When dem buy coffee from a cafeteria and call dat local content den check dem eyes.
When dem seh dem doing business wid de Haags Bosch landfill dumpsite and call dat local content, den is de coalition govt dem dem doing business wid.
De only people de oil company ain’t report dat it do business wid is Lyken, Sandy, Merriman and de cemetery.
Talk half and tell Soulja Bai to leh dem bring a real list; not one dat dem copy from de telephone directory.

Discover more from Kaieteur News

Subscribe to get the latest posts sent to your email.

Latest News