Latest update August 20th, 2026 10:20 AM
Latest News
- OMAI targets average US$1.2B in annual gold production for 18 years
- Total power demand to jump five-fold under development plan
- U.S. debt crosses $40 trillion threshold after doubling under Trump and Biden
- Hamas condemns ‘new war crime’ as Israel kills 10 in crowded Gaza hubs
- Teacher killed after car ‘drifted’ into trench at Lima Sands
Dem boys seh…Bobby run to India and lef Jagdeo wid dem boys
When dem boys put out de challenge fuh name one good thing that Jagdeo did for Guyana that de people could be proud of, dem expect not to sleep. Dem believe that dem phone woulda been ringing non-stop.
Instead, de phone dem never ring whole day. At first dem boys think that dem phone wasn’t wukking or it did turn off. Dem call Ah Kneel fuh mek sure that de phone wukking. He answer. When he hear de Waterfalls boss man voice, he start fuh holler, “Not hearing you, not hearing you good. Hello?” Then he phone tun off. De boss man did call he to remind him fuh name something that he, Ah Kneel, proud of that Jagdeo do as president.
Ah Kneel never call back. Dem boys call Donald but like he lef de phone in de toilet because it ring and then dem boys hear toilet flushing.
None body could name one good thing that he, Jagdeo, do. That means two things. Either dem frighten fuh talk or everything that he do was wrong. Dem boys know that de last one is de truth. Dem got proof.
Dem boys ain’t gun rest till he, Bobby, Brazzy and de rest wear de state bangle. Bobby smell de rat and he gone already. He run to India wid he family and he walk wid some of he workers.
De last words he seh to dem boys before he lef, “Tek care of me baby and lef in de sturdy plug.”
Now that Bobby gone it becoming very clear who is de real owner of dem things that people think Bobby own.
Jagdeo giving instructions to Dev since Booby gone. But that is only fuh de media empire. De other day he mix up Limacol wid Ferrol when de Ministry send fuh an order. De Ferrol worth more than de Limacol suh de taxpayers start fuh get back some of dem money that he tek and give to Bobby. He mix up Whizz wid Paracetemol.
Dem boys want he fuh know that when dem done wid he, he gun mix up Brazzy wid Bobby, and Brian wid Boyah. He gun even call Rob de Earth Irfaat. He gun even tek Ah Kneel fuh Donald.
Things getting to he brain. He been in Trinidad last week to give a talk at de University. Dem students tell dem boys that Jagdeo talk out he head.
Even when he was sleeping dem boys hear he hollering “Ow Uncle Glenn, Ow Uncle Adam, al you lef me alone now, nah.”
Well, dem boys seh dem don’t have a problem leffing he alone, but only when dem see he peeping through bars, like de Ex-Prime Minister of Israel.
Talk half and don’t run out you head like you know who.
Share this:
Discover more from Kaieteur News
Subscribe to get the latest posts sent to your email.