Latest update July 10th, 2026 12:59 AM
Latest News
- Two men gunned down at Vigilance
- No ruptured gas pipeline but ‘slight anomaly’ EPA, MARAD say after video evidence surfaces
- Mohamed’s security guard arrested over ‘Paper Shorts’ murder
- Ex-cop gets life sentence for murder of young businessman
- Gibraltar firm secures rights to half of Guyana’s Uranium Project’s initial output
Dem boys seh… Fires pun dem
Le Repentir cemetery is de place whe de dead suppose to rest in peace. Well City Hall decide that dem mustn’t rest suh it put garbage fuh mek dem jumbie get a dose of smelly thing.
Dem even dump garbage pun some tomb. Dem boys seh that a lady go to see she mother tomb and buss cry because she didn’t walk wid a shovel to dig through de garbage to reach de tomb. Well de authorities got a plan. No more burial. Is pure cremation. Everybody gun bun and if de family decide to resist dem boys seh that de people gun bun dem in dem house. Georgetown got to mek way fuh de garbage because that more important than graves. That is why dem had so many fires at one time. People was practicing like mad.
De army planning fuh bun some soldiers like de one who lef he gun in de bush. De police did bun a teenage boy because he didn’t ant talk bout a murder.
Regent Street always had fire because it was necessary to bun things that couldn’t sell but which had insurance.
Dem boys going to Parliament. Dem intend to legalise fires. Even Rastas talking bout bun and fires pun you and things like that. Talk half. Lef half.
Share this:
Discover more from Kaieteur News
Subscribe to get the latest posts sent to your email.