Latest update July 2nd, 2026 12:35 AM
Latest News
- Hess, CNOOC made no investment in Stabroek Block for two years – financials
- Guyana stands firm on joint Corentyne Bridge despite Suriname’s solo funding claim
- Six new judges sworn in
- U.S., Iran talks conclude in Doha, focused on Strait
- Cuban national killed in Demerara River Bridge 3-vehicle smash-up
Dem Boys Seh… W I mek England cry and Fip get goadie
God got to be a West Indian. Yesterday when West Indies play England, dem English mek a total that woulda challenge ten West Indies team.
But this time, de Big man decide fuh send de rain because all dem Guyanese start praying fuh West Indies when dem start lose.
De Big man hear de prayer and West Indies win yesterday. England cry. De stadium was full except fuh de Presidential box. Even Bharrat didn’t go and nuff of de people he invite didn’t go.
Dem boys seh that some of de people couldn’t read de invitation. One man think was he wedding invitation. Fip didn’t go because he gone out of de country looking fuh machinery fuh de hydro road.
He send in a container of spade and shovel already. He looking fuh long boots. He also order jock strap. Dem boys tell he that is not that kind of hydro. Is now people know why he bid. US$ 15 million worth of goadie.
Talk half. Lef half.
Share this:
Discover more from Kaieteur News
Subscribe to get the latest posts sent to your email.