Nuff people going to Michael Jackson wake

Jun 26, 2009 Dem Boys Seh, Features / Columnists

Dem boys lef wid dem mouth open de other day when Priya get vex because de Waterfalls paper ask if dem moving de pavement dwellers because de Caricom summit coming. Was a simple question and if is not true then you got to explain that is not true. Is like when Roger Luncheon mek a mistake and tell dem reporters one thing and Bharrat had to correct it. De President didn’t get vex like Priya. De woman lash out how de Waterfalls paper was seeking sensationalism.
Dem boys seh that de paper ain’t got to be sensational. People know wha does happen and dem ask de same question. Now people confirm that truth does hurt because only last week Priya and de others decide that dem gun build a house. De house ain’t done and dem picking up people—to put where?
Is like when a man who got two phone, frighten to use de phone at certain times of de day. When a gyal tell he that he got inter-county phone he get vex. But everybody know that one phone is fuh Berbice and de other fuh Essequibo. If a Berbice person call de call does go to de Berbice phone and de same thing wid de Essequibo phone.
When de man wife call she can’t get through and she does vex. She still ain’t understand and dem telephone company can’t even explain it.
Is de same thing wid Demerara sugar. Imagine a man who never set foot in Guyana and who never see Guyana sugar selling sugar that come from Mauritius as Demerara sugar. And when dem boys talk de man decide that he gun sue because people claim that he thief.
De same thing happen de other day when a man who rent a house that Paula Alexander had and thief from de house. De man so bareface that he even call de police and tell them that Paula thief from he house. He in jail and he got de nerve to cry.
Well he ain’t de only one to cry. Michael Jackson dead and nuff people crying. Some of dem never see him and they crying. De man in charge of de Camp Street jail later seh that is a good thing because a man was digging a tunnel to get away and when he hear de news he drop he shovel and scramble fuh see de television.
De prison warden who see suddenly realize that de man skin full of dust and he get suspicious.
One thing is certain. Fuh de next few days de television gun only carry things about Michael. De man more popular than de queen and he get more TV time that Princess Diana.
Dem, boys seh that dem going to de wake because is a lot of likker and food because Michael Jackson rich and dem wouldn’t skimp on de food. De only problem is de visa but dem might be able to buy some.
And dem boys seh that who can’t buy gun do wha some Berbicians does do. Dem does report a robbery and get de police to check. Then dem does go to de embassy and seek asylum.
Dem boys check de other day and dem find out that de man set up he own family to pretend to rob he. De story bus out when de man tell he friends that he gun get a visa but that everybody can’t get one. Dem boys still laughing.
Just like how some li’l gyal laughing because dem get away and do dem commonness wid some schoolboys. Dem get ketch by de police and dem mother come. Imagine de mother claim how de police shouldn’t do nutten because de gyal don’t want de embarrassment.
Who can be more embarrass that dem boys who call de police? One of dem nearly get beat because he friend tell he how he like talk too much. De man now shame because de police decide that if de mother calling de shots then she better be de police commissioner. And de woman applying fuh de wuk.
Talk half. Lef half.

Latest News

Nuff people going to Michael Jackson wake

Related

Similar Articles

The Glenn Lall Show|| March, 31st, 2025

Follow on Tik Tok @Glennlall

THE BLUNT OF THE DAY

Sports

Szeplaki wins LGC/ STP Investments Inc. Golf tournament

GBA Youth, Junior & Under-16 Boxing...

GBA recognises donation of Badminton gear to QC...

Exciting restart of the East Bank Football...

“Easily one of the worst decisions ever...

Harpy Eagles faces toughest challenge yet, as...

Features/Columnists

When silence speaks louder than words

The U.S. “Joining” the Commonwealth: an unreasonable expectation

What did Pres. Ali just do ?

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Nuff people going to Michael Jackson wake

Share this:

Related

Similar Articles

The Glenn Lall Show|| March, 31st, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]