No more old Bridge, no more excuse

Dec 05, 2025 Dem Boys Seh, Features / Columnists

(Kaieteur News) – Dem boys seh when de new Demerara River Bridge open, plenty people clap and cheer. But is only after two days some of dem same people start to bawl quietly. Yuh see, long before de new bridge, de old Harbour Bridge was de best invention ever—NOT because it good, but because it bad. De traffic was so horrible that it provide de perfect, readymade excuse fuh lateness, slackness, and every kind of “I could explain, darling” story.

Boss man used to call: “Why you late again?” And de worker would answer smooth-smooth, “Boss, de traffic crawling on de West Side of de bridge.”
Wife would ask: “Why yuh now coming home 10 o’clock?”
And de man would whisper, “Sweetheart, de traffic was murderous.”
All de time is not traffic dem man stuck in. Is GT bar, Uncle Joe rumshop, or de corner shop playing pools.

But now, with de new bridge, all dem nice, sweet lies done. Traffic flowing like fresh breeze. Dem boys seh is so fast now, if yuh blink yuh might end up pon de West Coast and miss de turn-off.

Some man vex bad. Dem whole lifestyle get disrupt. Dem can’t go liming till midnight and then pretend traffic hold dem hostage. One man tell dem boys he actually praying fuh a lil congestion. He seh, “If not a breakdown, at least a lil slowdown—just a five-minute jam, Bossman!” But de bridge behaving too good. It refuse to cooperate with de old-time stories.

Wives smiling nowadays. Dey getting back dem husbands early-early. Children surprised: “Daddy, you live here?” Bosses walking round happy too. Dem staff showing up BEFORE time. Man seh he reach so early de security ask if he spend de night in town.

Dem boys seh only set of people vex is de chronic latecomers and de weekend drinkers who does rehearse traffic stories. But tell dem brace up. De excuse bank run dry. No more “bridge traffic,” no more “line long,” no more “one-lane traffic.”

New bridge bring progress, development, and efficiency. But most importantly, it expose nuff lies.

Talk half. Leff half.

Discover more from Kaieteur News

Subscribe to get the latest posts sent to your email.

Dem Boys Seh, Demerara River Bridge, excuse, old bridge

Latest News

No more old Bridge, no more excuse

Discover more from Kaieteur News

Similar Articles

Listen to the The Glenn Lall Show

Follow on Tik Tok @Glennlall

THE BLUNT OF THE DAY

Sports

Attention shifts to $10M Nitro Kart Clash

VIEW ALL SPORTS

Features/Columnists

Has the world lost its conscience?

Sir. Ronald Sanders

The Cost of Silence: How the OAS is Undermining its Own Relevance

The GHK Lall Column

It is Good Friday. What a day! Darkness prevailed.

Publisher’s Note

Weekend Cartoon

Bridge Watch

> Berbice Bridge […]