Cake-Shop management and de Georgetown restoration

Nov 17, 2025 Dem Boys Seh, Features / Columnists

Kaieteur News – Dem boys seh de government get one big, fancy plan to “restore” Georgetown to its glory days. But hear nah—half ah de people talking bout glory days wasn’t even born when Georgetown did really glorious, and de other half can’t remember if is de real city or de postcards dem granny keep in plastic.

So de big brains seh dem bringing in “de King Foundation.” Now, dem boys ain’t sure which King—maybe is King Charles, maybe is Burger King—but if it is the former, dem lef Georgetown long, long time ago. And if it is de latter, well it arrive not so long ago.

But leh we be fair, government decide to start with drainage. And everybody clap, because with Georgetown drainage, if rain fall fuh five minutes, de whole place start swimming like de Olympics trials. But before de applause finish echo, dem come up with de next bright idea: concrete de main drains.

Concrete! Imagine ole-time Georgetown without de mud-banked canals. De Dutch who build dem canals must be rolling in dem graves like dem pon a treadmill.

So dem boys hear a multi-agency task force get form to tackle de “cleaning and draining” of de city. Big thing! Committees! Experts! Engineers!

But before de task force could even find pen and paper to start sketching a plan—bing bing!—summon to State House or some big office. When de team reach, thinking dem going to discuss strategy and master plan, dem get one instruction:

“Fellas, start with Kingston and Tiger Bay.”

Just suh. Like is a cake-shop order: One pine tart, two tennis roll, and clean Kingston and Tiger Bay before lunch.

Dem boys seh this is classic cake-shop management: you appoint a team to decide what to do, then you call a meeting to tell dem exactly what to do. Is like hiring a doctor then diagnosing yuhself.

So instead of planning drainage fuh de whole city—South, North, East, West, everywhere—de task force now scrubbing two wards like dem on community service. One step forward, two steps backward, and then a lil shuffle in de middle.

Dem boys seh perhaps de government should forget this drainage business and just open a bakery. At least in a real cake shop, micromanagement does produce something sweet. Right now, all Georgetown getting is half-baked decisions.

Discover more from Kaieteur News

Subscribe to get the latest posts sent to your email.

East, everywhere, Georgetown, North, Olympics, South, West

Latest News