When belly bigger than sense

Nov 11, 2025 Dem Boys Seh, Features / Columnists

(Kaieteur News) – Dem boys seh a new fad buss out among de young people these days — not fashion, not phone, not fancy dance move — but food! Yes, food! Some of dem treating buffet like competition, not celebration.

Invite dem to a lil function, wedding, or free lunch, and watch de show start. Before you could say “grace,” dem done grab one plate and start stacking it like Mount Roraima. Chicken pon rice, fish pon chicken, chowmein pon bake, and one lonely lettuce leaf on top to make it look “healthy.” Dem balancing it so high, it look like a construction site.

Then come de second round, and de third — like dem trying to win a Guinness World Record for Gluttony. One big belch echo through de hall, and everybody know who de champion eater is. You’d think dem get medal fuh belly capacity. But dem boys seh de situation does get worse when de food free. Some people behave like “free” mean “forever.” Once dem hear “come and eat, no charge,” is like a switch flick in dem head. All sense of portion vanish. Dem pile de plate, fill up a container, wrap up a lil something fuh tomorrow, and still go back for more. Free food does turn some people into human vacuum cleaners — sucking up everything before others even get a chance to see what de menu was!

But give it half hour, and de same champion start to shift uncomfortably. De smile gone, de sweat start to pour, and de stomach start to protest. De “belly boss” suddenly looking for somewhere quiet — or a quick exit — to “lighten de load.” Dem run faster than when police break up a party.

Dem boys seh some of dem young people confuse “how much you can eat” with “how much you should eat.” Greed is not a talent, and gluttony is not a flex. Nobody ever get a scholarship or a promotion for cleaning out de buffet table.

And yet, every time food deh free, dem line up like it’s de last supper. Dem ain’t realise that moderation never cause bellyache — only exhibitionism does. So dem boys seh: stop showing off how much yuh can eat, and start showing yuh got sense. Because when belly bigger than brains, de outcome always stink!

Talk half. Leff half

Discover more from Kaieteur News

Subscribe to get the latest posts sent to your email.

belly bigger, buss out, Dem Boys Seh, sense

Latest News