Latest update April 24th, 2026 12:40 AM
Is Who Line Mean Fuh?
Kaieteur News – Dem boys seh deh got a new Guyanese disease spreading faster than dengue—line blindness. Is a condition wheh yuh eye does conveniently skip de people who done deh waiting in line, and yuh foot does carry yuh straight to de cashier like yuh is royalty.
It happening in all dem small supermarkets, especially dem Chinese-owned one. Dem boys seh yuh does deh watching de line stretching like dem GPL blackout hours, and one bai gon stroll past everybody like he got diplomatic immunity. Straight to de counter. No shame. No “excuse me”. Just vibes.
And yuh know what worse? The cashier does tek dem. Like if is a VIP express lane yuh and I never get invite to. Dem boys seh if this thing ain’t stop now, people gon start think is a constitutional right—like freedom of speech or de right to bun rice.
Next thing yuh know, people gon walk past de whole Ministry of Housing application line and build house pon de seawall. And when yuh ask dem what going on, dem gon tell yuh, “Big man, ah accustomed.”
Is de same mentality that got people vending pon pavement, squatting pon state land, and now—cutting line like dem part of a secret society of supermarket sprinters. Dem boys seh one man even pull a stunt last week. Walk straight up to de cashier with he three items—one soft drink, one corn curls and a roll-on—and tell de man in line, “Boss, I only got three thing.” De man behind he seh, “Well I only got two hand—you don’t see me waiting?”
Dem boys seh we need a new law: First come, first served. Last come, wait yuh turn. And if yuh skip line, yuh gon get reprimanded with one loud “boss man, yuh ain’t see we deh here?” Is high time we stop treating lines like optional suggestions and start acting like we got manners. Or else next thing yuh know, people gon try skip line at de Pearly Gates. And dem boys seh, God don’t play dat. He gon send yuh right back fuh pick sense outta de nonsense.
Talk half. Leff half.
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
