Latest update August 29th, 2026 10:20 AM
Latest News
- Guyanese must see ExxonMobil disputed audit cost
- Canawaima back in service after days-long ban
- Indonesian nationals killed; 4 others injured in EBD smash-up
- Rescuers retrieve flood survivors caked in mud as death toll in Nepal-China border disaster climbs
- Tighter guard on oil fund needed as Guyana’s profits grow – Norton
When red is de new national colour
Dem Boys Seh…
Kaieteur News- Dem boys seh Guyana is not a real place. De government holding public meetings all over de country, but yuh could swear is PPP Congress dem hosting. Everywhere yuh turn is red shirt, red hat, red banner, red eye! One man seh he show up in a green jersey and people look at he like he was a PNC spy or worse—a man wid independent thought!
Dem boys seh de meetings supposed to be government business. Taxpayers money paying fuh microphone, stage, tent and even de water. But somehow, de thing turn into a party rally. Is like yuh go fuh ventilate your problems and end up at a campaign launch!
Wha mek it worse, is when government people start talking like dem on a soapbox. One man forget is not Freedom House he deh, and start holler out how PPP doing wonders. Another one seh under PPP, rain falling better and mango sweeter.
And don’t talk ’bout de security. One big official show up wid he bodyguards all dressed in red. Dem boys seh is either fashion week or is a case of buy one get one free. Is like people come from Red Square in Russia.
But de best part was official who sit at de head table bold-face in a party cap. Not even a lil subtlety! Is like he confused public service with party service. Dem boys seh he probably think GMSR is short fuh “Guyana Mek Sure yuh Vote Red”.
Dem boys seh if yuh want to know how to separate government from party, just don’t wear red to dem meetings. And see how quick yuh get a funny look, no handshake, and a seat near de back.
Till then, red is de new national colour. Forget black, gold and green—red tek over.
Is only in Guyana yuh could vote once, but feel like yuh living in a campaign season fuh life.
Talk half. Leff half!
Share this:
Discover more from Kaieteur News
Subscribe to get the latest posts sent to your email.
Similar Articles
hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
