De Vee Pee spoil Prezzie Christmas!

Dec 28, 2022 Dem Boys Seh, Features / Columnists, News

Kaieteur News – One man get stop by de police pon Boxing Night. De police tell he how dem notice how he look lil tipsy and dem want test fuh see if he driving under de influence.

De man buss out a big laugh and tell de popo how he never drink alcohol in he life. He willingly agree fuh do de test.

Imagine de man surprise when de police tell de man dat de result of de breathalyzer test show how he blood alcohol level was above the allowable limit fuh drive pon de roads. De man can’t understand how he blood gat alchol when he don’t drink.

Is lang after de man realize dat he went visiting relatives on Boxing Day and at every house dat he visit dem give he black cake fuh eat. He did nat refuse. He eat he full share nat realizing dat de black cake laden with run. So now de man get charge and gat to appear in court because he eat too much black cake and it spike he blood alcohol level.

But at least he get something fuh eat over de holiday weekend. Dem boys hear how de Prezzie vex bad with de Vee Pee. He send de Vee Pee fuh buy de casareep fuh de pepperpot and de man turn up with bun sugar instead.

Dem boys hear how Prezzie tell de security at the President Office dat he gan ring fence de place from de Vee Pee and how de Vee Pee nah gan get no royalty treatment anymore.

Talk half. Leff half!

Discover more from Kaieteur News

Subscribe to get the latest posts sent to your email.

Latest News