Parking can be hazardous to yuh pocket

Jul 14, 2021 Dem Boys Seh, Features / Columnists

Dem Boys Seh…

Kaieteur News – Parkin is a problem in de city. Sometimes yuh does be late fuh wan appointment nat because yuh nah leff home pon time but because yuh does gat fuh spend a lang time looking fuh a parkin space.
It reminds dem boys of de time a man bin late fuh a meeting. He deh looking fuh a parkin place, and can’t find one. In desperation, he look up to de sky and start fuh pray, “Lord, if you find me a parkin place, I promise to never drink, smoke or be adulterous again.”
Miraculously, a place open up just in front he. He tun he face up to de heavens and say, “Never mind, I just fine one.”
But some Guyanese don’t kay way dem park. One day I been coming out a store when I see a traffic cop writing a ticket. So I went up to he and say, “Come on buddy, how about giving a guy a break?”
He ignore me and continue writing de ticket. So I call he a idiot. He look at me strang and start writing another ticket fuh defective tyres.
I let out another insult at he. He start write a third ticket. De more I insult he de more tickets he write, all de time putting dem under de windscreen wiper. In all he mussy write bout 10 tickets.
I didn’t even care. Me car bin park till round de corna.
Talk half and park in de right place!

Discover more from Kaieteur News

Subscribe to get the latest posts sent to your email.

Latest News