Charranrass mek nuff people can’t sleep

Dec 23, 2018 Dem Boys Seh, Features / Columnists

De no confidence motion should be a lesson and a wake up call fuh all politicians. De APNU+KFC didn’t see what was coming.
Charranrass vote on de motion, change de dynamics of party politics in Guyana. De coalition become different people.
Dem boys seh as soon as dem go in office, dem behave like kings and queens. All of a sudden dem was bigger than dem friends who dem use to talk to.
Dem was people you could call any time of day and dem use to answer de phone. As soon as dem tek office, dem don’t even want to hear ‘bout a telephone call.
Nicolette was one. A reporter call she two time. One time, she tell de reporter dat de reporter must talk to she through she secretary.
De next time, she tell de reporter dat she don’t have time to answer any reporter question.
When de Waterfalls boss man complain to Jordan about an injustice done to an individual, Jordan tun and tell him, not in a nice way, the he and de individual can seek redress through de courts.
Greenidge get so pompous dat when dem boys ask him when he gon release de MOU he sign wid China, he tun and tell dem whenever he feels like then he will release it.
Volda mek a statement dat she only giving jobs to she party people. Dat upset nuff people including Charranrass who end up kicking dem ass.
De Patterson was anodda one. When you call him, he refuse to answer ee phone once he see you number. He is one who mek promise he never intend to keep.
Nuff things write about de renovated airport and he never utter one word. He promise to carry reporters on a tour and he never did.
Now Charranrass carry dem pon a tour. Dem boys hope dem feel de same way like de people dem treat bad.
If dem boys been when de no confidence motion pass and see some of dem crying, dem boys woulda hand almost all of dem a towel soak in pepper fuh wipe dem eye.
Soulja Bai is de only one in dat coalition wouldn’t get de pepper towel.
Talk half and watch de politicians next move.

Discover more from Kaieteur News

Subscribe to get the latest posts sent to your email.

Latest News