Indar prefer Jagdeo to Moses

Dec 14, 2018 Dem Boys Seh, Features / Columnists

When dem big organisation in Guyana hosting dinner and awards ceremony dem does mek a big thing about who gun be de guest speaker.
De programme alone is a fancy affair that very expensive and de name of de Guest Speaker does be in gold.
But de Georgetown Chamber of Commerce mek a mess of all de tradition. Indar, de man who got a reputation fuh hanging he mouth, plan a big programme. Dem boys hear bout de programme and dem wait fuh de invitation.
De invitation come and it didn’t seh who gun be de guest speaker. Dem boys thought that de organizers change dem mind and dem gun mek de occasion an eat and drink affair.
That is why de Waterfalls paper didn’t send a reporter to de event.
Dem boys jump when dem see that scamp, Jagdeo, tun up.
Dem know that since he stop being president he don’t go to no public function. Donald de Dummy use to go to one-one. People start to wonder how Jagdeo come.
Is when Indar, de man who does hang he mouth, introduce Jagdeo that dem boys know who was de guest speaker.
Indar deceive de whole chamber. He didn’t tell nobody bout Jagdeo because he know nobody woulda tun up. Jagdeo woulda talk to Indar and Irfaat alone if de invitation had he name pun it.
Dem boys hear when Irfaat walk in wid Jagdeo de two of dem look like when bride walk in wid a groom.
De speech was wha everybody expect. Jagdeo tell de Chamber that he know what is good for it except when he was president he mek de Chamber almost collapse.
Dem, boys want to know if de Chamber invite anybody from de government because that is a norm. Dem would invite Gaskin as Ministah. Soulja Bai was out of de country but Moses was there. Indar, de man who does hang he mouth, didn’t invite Moses.
Dem boys want to know wha de APNC+KFC do to mek de Chamber ignore dem.

Talk half and wait fuh Indar explain why Jagdeo and not Moses, de Prime Ministah wasn’t invited.

Discover more from Kaieteur News

Subscribe to get the latest posts sent to your email.

Latest News