Jagdeo tell lie fuh hide he Buxton shame

Nov 15, 2018 Dem Boys Seh, Features / Columnists, News

People wake up yesterday morning to see a headline which seh de PNC lose in Buxton. Dem wasn’t worried about de low voter turnout, dem wasn’t worried about Nagamootoo losing in Whim but dem was worried about de headline.
De Buxtonians was more than mad. Dem seh how de newspaper mek dem look like if dem is people who love Jagdeo.
But is Jagdeo who lie in de first place. He know he party win de NDC which include Buxton but he decide to exaggerate to mek he followers feel nice.
When de confusion die down and de dust settle, one man tell de newspaper dat Jagdeo good at misleading people and he like lie. Dem decide to publish de statement of poll.
Dat is when dem boys see wha Jagdeo try to hide. He didn’t get a single vote in Buxton. To de village people was like if he didn’t exist.
Dem boys shame but then again dat is not de only time he mek dem feel shame. De firemen who follow in he footstep and thief anything dat ain’t bolt down on the plane mek de whole of Guyana feel shame.
When dem been in de lockups everybody was happy because de only thing dem could thief in de lockups was de bars.
Bright and early Monday morning, de police decide to loose dem to go home and bathe. Dem had to post $100,000 bail. People suck dem teeth and start to line up outside de courts to ketch a glimpse of dem.
Is one week now and no fireman get charge. Is like if de police decide to hold back pon de charge. Dem boys want to know if some of dem firemen share some of de things dem thief wid de people who got to charge dem. CNN, BBC and all dem international media house looking on.
Talk half and wait fuh dem firemen go to court.

Discover more from Kaieteur News

Subscribe to get the latest posts sent to your email.

Latest News