Latest update September 20th, 2026 10:40 AM
One crook trying to lock up some odda crook
This is de first time de people gun hear that de Berbice Bridge does mek money. From de time de bridge open when Jagdeo was president, all de people who had money in de bridge use to tell people how de bridge not mekking money.
Is because it wasn’t mekking money that dem seh dem have to raise de toll. Every time Jagdeo or de NIS hold a press conference dem reporters use to ask bout de NIS investment and when it gun get its money.
Yesterday Jagdeo tell reporters that de Bridge does mek money and how de Bridge people didn’t have to raise de toll. But dem boys seh that is only part of de story. He now claiming that de Government don’t have to tek control of de bridge.
This is wheh de sweetness start. Dem boys done know that Jagdeo and nuff of he friends got money in de bridge. Now that de government tek over it mean that dem gun see how much money de bridge does mek and how much people does collect dem bonus when de year come.
Is only today Jagdeo announce that two group does mek money. One group name Bond One and de odda one name Bond Two. Dem don’t have no odda name.
De government minister seh he been trying fuh years to find out who name Bond One and Bond Two and he can’t find out. Jagdeo try to tell dem reporter yesterday that NIS is Bond One and NIS is Bond Two. If you see money wha dem get.
Dem boys now understand how greedy people can get. De Bridge People never fix one pontoon wha keeping de bridge afloat. De government seh it always offer to fix de pontoon but de bridge people refuse. People now believe dem wanted de bridge to collapse suh government woulda give dem back dem money wid interest. Plus dem woulda claim insurance money.
De sorry gun come out now. But de Chat-3 vex. He carrying de government to court fuh tekking de bridge. Dem boys waiting fuh de outcome.
Jagdeo tekking de government to court too but he going to de police first. He reporting how some government people thief de D’Urban Park money.
Dem boys seh he gun get lock up as soon as he foot pass de station gat.
Talk half and watch crooks fight
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
