De presidency mek Jagdeo hair fall out

May 11, 2017 Dem Boys Seh, Features / Columnists, News

Some things don’t agree wid everybody but de people involved don’t see it. Last night dem boys was talking bout how certain things change people. Dem point to Obama who go in de White House wid a head of black hair and when he come out he was grey.
Right away one man seh Jagdeo tun de president wid ahead full of hair and by de time he done he was bald. Dem boys seh is not de wuk that cause that. Is de crookishness mek that happen because when people think to do bad things dem hair does fall out.
Some people point to others who suffer like Jagdeo. One man seh when he know Dicky Van, de man had one of de biggest Afro. He tun Minister and from then was downhill. Soulja Bai give him de wuk at GWI and he ain’t even done de wuk and all he hair fall off. Dem boys want to know wha he thinking about.
But dem have other things that causing problems for people. On Monday, was confusion around parliament. In de first place dem had de barricades. Now dem boys remember that is Jagdeo start wid dem barricades around Parliament. Soulja Bai did promise to move dem but he decide to lef it because Jagdeo still deh in Parliament.
Monday was more barrier than anybody ever see. De Traffic Chief seh that he read how some man drive some car into de Parliament in London and kill couple people. Well dem boys want to know who in Guyana gun tek a good car and use it to kill de set wha deh in Parliament.
Instead, dem taxi drivers use dem car to mek real money. Dem charge people more than ten times wha dem should pay because dem couldn’t go to dem car park.
And people pay. It mean that somebody lying when dem seh that people don’t have money. Money deh but dem boys gun talk about that another time.
Talk half and see who gun change next.

Discover more from Kaieteur News

Subscribe to get the latest posts sent to your email.

Latest News