Latest update June 1st, 2026 12:37 AM
Suruj old, sick and tired fuh Guyana but not fuh Curaçao
Suruj decide that he not able wid de wuk no more. He seh he too old, he tired, and he get too much cuss. In de end he walk off de wuk. He seh he get enough money to live happy without all dem insult. He could tek care of all dem dawgs.
He seh he done wid election. He don’t want nutten to do wid Jagdeo that scamp, Soulja Bai and Rum Jattan.
He seh he want to relax pun a beach wid he wife and some rum bottle next to him. He seh he want to enjoy de remainder of ee life.
De whole of Guyana did believe him when he made those statements; even dem boys. There was a big farewell party for him. That was done secretly. Bibi and de hammer man tun up to mek sure that he gone. Dem boys wasn’t invited because dem report pun de wholesale thiefing that was going on in de same organization that he was heading.
When dem boys approach him to duck and hide, he bob and weave like a boxer. At one time when dem boys brackle him on de road he seh investigation start and he can’t comment. He did vouch fuh he people. He claim dem don’t like thief but if dem thief is fuh a good reason.
Dem boys get a shock when dem hear he going to Curaçao to lead an Observer Mission into their election. He did de same thing to Haiti after leffing Guyana.
De big question is whether this man really sick, old and tired, or he running from some investigation.
Talk half and watch how a dawg handler can become a trickster overnight
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
