Dem boys seh...Perverts cutting deal

Dem boys seh…Perverts cutting deal

Aug 10, 2016 Dem Boys Seh, News

Nutten is an eye doctor, suh dem boys seh he should got de best eyes. Dem don’t know how he get tie up wid this drug bond issue. He didn’t see was a bottom house? If he didn’t see then de landlord had to blindfold him, tek him to Sussex Street put him in de bottom house, show him what he paying $12.5M a month for, then blindfold him and tek him back to his office.
There is no way anybody in dem right sense or even somebody wid a cockeye gun pay $12,000 a month fuh that place in Albouystown.
Dem boys seh Guyana waiting to see what action Soulja Bai gun tek. He seh he don’t like corruption. He can’t smell it much less tek it.
Nutten tell dem MP that he had to hustle to get de bottom house because he had nowhere to store de drugs. This mek people believe de place already had drugs store inside when there was nutten.
De whole exercise is highway robbery. When Jagdeo rent Babby bond he should have only pay him $1 million per month. Instead he pay him $19 million.
Nutten see that, find another $1 million a month bond, and decide to pay $12.5 million a month. Then he tun round and tell de nation through Parliament, how he save Guyana, a lot.
Dem boys want tell Soulja Bai that dem got a bigger bond than that and dem willing to rent it fuh $2 million a month. And this bond deh pun Sussex Street, too, not far from de one Dr Nutten pay $12 million a month for.
Things like this should send people to jail. Is this wha mek people tun from de PPP.
Dem boys seh Soulja Bai should check pun all dem Larrys, and dem don’t mean truck. He might find that all of dem indulge in nuff crookishness.
Larry de Singer use to rent a boat to fetch fuel fuh GPL and charge dem US$20,000 a month. He is de wheeler, de dealer, plus de player.
Soulja Bai got to keep ee eye pun all dem Ministers who cutting deal wid dem Larrys and de Babbys. One Larry is a pervert and Nutten is a pervert.
Talk half and demand a surcharge from Dr Nutten.