Dem boys seh ...Jagdeo sell out Guyana birthright

Dem boys seh …Jagdeo sell out Guyana birthright

Jul 05, 2016 Dem Boys Seh, News

When people sit down and think about de stupidness that use to go on all dem can do is shake dem head. Every year de government use to get US$4 million from de shares in GTT. Jagdeo sit down and think that he must sell dem share.
Now that dem boys sit down and think it got to be that is either he wanted spite people or he wanted a small piece. De man sell dem shares that was bringing in money. But he had some shares that he could a sell. Dem was de shares in he padnah company—New GPC. Dem shares never produce one cent but Jagdeo refuse to sell dem.
Then dem boys sit down and think again; dem think bout how much money that Permanent Secretary had. Wha de man had in he bank account is nearly half of wha GTT worth. Jagdeo did already sell out almost a quarter so is only a shall lef fuh GTT. That is how things was in de country. Everybody had money. Now dem complaining how money dry up. Money got to dry up when people clamp down.
A lot of wickedness use to go on but old people know that once you set out to do wickedness you got to expect wickedness. Tek LuCrass. He walk in de office and knock off people lef, right and centre.
De wickedness in him, he seh is not he, is de board. De people on de Board seh that dem never had any meeting fuh mek such a decision. One of dem seh he get a phone all telling him about de change. Another one seh since de meeting to knock off C fuh Satar dem never had any other meeting.
Thing fuh cry some people does laugh. LuCrass test de water and he know that when he act nobody can find fault. Jagdeo try to seh that he use race but dem boys see how he promote a woman to de post just under de chair wheh C fuh Satar use to sit. But he still wicked.
Talk half and see how Jagdeo get quiet.

Discover more from Kaieteur News

Subscribe to get the latest posts sent to your email.

Latest News