Chinese Spare parts dealer get big contract

May 29, 2016 Dem Boys Seh, Features / Columnists, News

Dem boys never know that Guyana had so many thieves. Dem thought that de thieves was only dem who de police use to ketch and lock up. Dem didn’t know that most of de thieves use to drive around in Lexus, Mercedes Benz, Jaguar, BMW and Prado. Most of dem live in Pradoville. Some live in Pradoville2. Dem behave like de military.
De more bright you get you get promote in de military. In de case of Pradoville, de bigger de thief de bigger de property.
Don’t ask who got de biggest property in Pradoville2. And is not dem boys seh suh. De Ministry of Land and Survey seh suh, not dem boys.
Shaik Baksh was one who was driving a fancy Prado but he nah live in Pradoville. Dem boys remember he was de Minister who approve a computer contract fuh he Ministry.
When dem boys check who de contract was awarded to, de address tun out to be a barber shop in Brooklyn, New York.
He lef that Ministry and go to GWI he tender fuh a house to rent and he win he own tender. It tun out to be he own house that he rent to heself, collecting tax free dollar.
How much more corrupt can an official get in this country?
Shaik Baksh is only a li’l one. Dem boys did expose de US$42M transmission line. At first all of dem seh was a sweetheart deal. It now turn out that de contractor who supply and run de transmission line is a Chinee spare parts dealer.
And dem boys hear that another big contract is in de making fuh him.
De One Laptop Per Family project tun a half laptop per family. Poulourie Joe had two sons holding de key position. De audit find out that one of dem wasn’t even qualified.
That is why de project didn’t even meet half way.
Talk half and wait to see wha action Soulja Bai gun tek.

Discover more from Kaieteur News

Subscribe to get the latest posts sent to your email.

Latest News