Latest update June 1st, 2026 12:37 AM
Dem boys seh…Dem gun prove nuff people wrang
De Waterfalls boss man fuming. Smoke coming out he ears. He cuss Badam and all dem reporters fuh buy de crap wha Ash Knee tell dem de other day bout de IFMAS. He seh was a crappy excuse and a scanty defence.
De paper hell bent in proving Ash Knee wrang. Dem boys seh that de people at de Waterfalls paper is not accountant but dem born and grow in business. Dem can count money well and guard it well. Dem also know fuh invest any money dem get and invest it wisely fuh mek a profit.
Dem boys also intend to prove that Brazzy, that fat crook, Ash Knee de shaat scamp, and Jagdeo, de mastermind behind de Marriott, wrang about all de things dem do.
De aim is to show that dem deh behind all de projects—de Marriott, de Specialty Hospital, de airport project, de Brazil cable project and all dem other project that cost nuff million dollars.
Jagdeo talk, then he get Benn fuh talk about some Chinee Vice Premier who pass through de region waving nuff billion dollars. Benn seh that dem had to grab de money to build airport and how dem eyeing black people from Africa to come.
Jagdeo and Benn can’t even get dem own Caribbean brothers and sisters to come to Guyana fuh play a cricket game. Or fuh pay a visit. But dem got de nerve fuh tell people that dem eyeing Africa.
Dem boys hear that dem got men passing through Buxton waving things too. Dem boys want know if Jagdeo and Benn gun grab on to that too, like how dem grab de Chinee man thing.
Dem boys gun prove Jagdeo wrang when he seh that he sell he house fuh $120 million to a man from Trinidad. Ah Kneel was de lawyer. Dem boys gun prove he wrang when he seh that Jagdeo was a poor man who didn’t got nutten.
And dem boys gun prove that Brazzy is not so fat and that Ash Knee is not shaat and sharp as he would like people to believe. Dem boys gun prove that almost all of dem is a bunch of scamps, except Donald.
Talk half and know that dem can’t see Gawd face.
Share this:
Discover more from Kaieteur News
Subscribe to get the latest posts sent to your email.