Latest update May 18th, 2026 12:35 AM
Latest News
- U.S. official sees ‘perfect alignment’ between Guyana and ExxonMobil
- Omai targets upgrade of nearly 4M ounces gold resources at Wenot pit
- 96-year-old rescued from Middle Road blaze
- WHO declares Ebola outbreak in DRC, Uganda a global emergency
- Indian Nationals demand passports, backpay and repatriation
Dem boys seh…Rob Bert and Jagdeo team up again
Rob Bert, Jagdeo, Bobby and some other man gone to Miami. Dem travel pun de same plane and dem boys want know wheh dem going and why dem going. Some people at de airport seh that dem gone to Jamaica. It got to be fuh talk bout plans fuh de extended airport.
But then again, it could be that dem going to order a pontoon because de one that get thief from de Harbour Bridge get find back wid everything. Dem boys ain’t saying that dem thief de pontoon, just like how dem ain’t saying that NICIL thief de pontoon.
But a pontoon is a pontoon and nuff people want one because dem have wuk fuh all dem pontoon. Then dem boys notice something strange. One Edghill lef de ERC fuh wuk wid de government but he still talking fuh de ERC. Is like Rob Bert going to talk bout wha happening in agriculture or Jagdeo going to a Caricom summit and talking like Uncle Donald.
And he got de nerve to talk bout who compromise who. Is he mek de people budget cut because if he did go lang he way when dem church tell he that dem didn’t want he all this trouble wouldn’t happen. And dem boys notice that since he ease up wid de post office less ganja and cocaine passing through.
Is not he been shipping dem but people eye did pass he suh dem use to do anything wid de post office. That is wha dem boys seh.
But is funny how de budget cut ain’t affect Gee Nah. Dem was de ones who protest and dem getting pay. Well dem boys seh that dem believe that Gee Nah gun protest every month like when children writing exam and once dem do a good job dem gun get pay. Hen See Hen ain’t had to knock off anybody too.
Dem was only blowing hot when some of dem cry pun TV how dem gun join de breadline. At least dem woulda get bread.
Talk half and protest fuh de other half.
Share this:
Discover more from Kaieteur News
Subscribe to get the latest posts sent to your email.