Latest update September 12th, 2026 10:20 AM
Latest News
Dem boys seh…Sarwan got to get runs or get off de TV
Is not only jail people does get lock up. De other day a big one go in de Botanical Gardens and he stay well past de six o’clock closing time. De people lock de gate and he inside.
De man get worried. He drive to de front then dem boys see he drive to de back but he can’t come out. He done see heself sleeping there or going home without he car and finding some lie fuh tell he wife.
In de end is dem men who does guard Bharrat had to intervene and let he out. And when he come out dem hear he muttering how he would never go back in de Gardens.
Dem boys wish Sarwan can also mek a vow. He does deh pun TV hollering how “you got to get get”. He better get runs.
This man does deh advertising all dem sunshades and he can’t entice people fuh watch he play cricket. “Get you tail off de TV.”
Do wha Peter do. He get out of de country because things getting hot wid all dem secret camera in de apartment.
Dem boys seh that he still got to face de police suh he better come back. He too was singing, “You got to get get.” But he get was to get out of de country.
Talk half. Lef half.
Share this:
Discover more from Kaieteur News
Subscribe to get the latest posts sent to your email.