Latest update September 23rd, 2026 10:10 AM
Dem boys seh… How dem can wrang suh?
Dem have lawyers and dem have lawyers. Dem boys seh that dem can’t imagine that dem have two lawyers who want run this country and dem ain’t even know de law.
De story come out that dem had a good case because dem really believe that dem win a seat at de elections de last time. De Elections Commission also know but that is another problem.
Dem boys seh that voting is a case of counting. Is one and one mek two and two and two mek four. Dem have people wid degrees wukking at de Elections Commission and dem couldn’t add two figures.
Dem boys seh that de addition was wrang suh de AFC lose a whole seat. But de seat didn’t guh to Sharma or any other political party. It go to Bharrat party suh de AFC go to court.
Is then dem boys know that dem lawyers didn’t understand de law. And it even tek de judge three years fuh find de answer to de riddle.
It wend up that de lawyers tek a year and a day to file an action that dem shoulda file in a week. Dem was in de dark.
When de judge hand down de decision dem same lawyers go to Breda Street fuh drown dem sorrows. Dem boys seh that is right at Breda Street that de two lawyers decide to challenge and is right there that dem mek de big mistake about de filing.
Dem boys seh that is suh dem does find out who can run de country.
Talk half. Lef half.
Share this:
Discover more from Kaieteur News
Subscribe to get the latest posts sent to your email.