Close school and de road breathe easy

Jul 05, 2025 Dem Boys Seh, Features / Columnists

Kaieteur News – Dem boys seh de best traffic police in Guyana is not a man in uniform—it’s de school holiday! Soon as dem chirren done write dem last exam and throw away dem book bag, is like de road get a breath of fresh air. Car stop crawling like caterpillar and start moving like jaguar.

Dem boys seh yuh don’t need no big traffic study from foreign consultant. Just look at de road when school shut. Boom! Traffic disappear like teacher on payday. Is like all dem minibus, car, SUV, bicycle, donkey cart and school drop-off. Yuh could even see de paint on de road again.

One man seh, “Me ain’t know if de school children is de problem or de parents, but soon as school close, me reach to work in half de time and twice de happiness.” Dem boys seh dat is not joke—dat is revelation.

So why we can’t tek a lil lesson from dat? If congestion clearing up when school close, then school gotta be part of de problem. Dem boys seh it got to do with all dem thousands of pick-up and drop-off missions every morning and afternoon. Is like when schools is out is like half the travelling population on strike. And de less children trying to get to and from school is less cars and buses and electric bikes on de road. And de less vehicles, is less congestion. Easy lesson good for dunce!

But de big ones who planning road expansion ain’t see this. Dem building four-lane road but ignoring four hundred school runs per minute. Dem boys seh is not just more road we need, is more planning. Like proper school buses. But no, is easier to blame dem big trucks.

Dem boys seh if solving congestion don’t include tackling school transport, then we only paving over de problem. And when school open back, we gon be right back in de same traffic jam, late again, vex again, and wondering again why we never listen when de road whisper, “Ah breathe easy when dem school shut.”

Talk half. Leff half

Discover more from Kaieteur News

Subscribe to get the latest posts sent to your email.

Close school, Dem Boys Seh, Foreign consultant, road project, traffic

Latest News