Dem rape yuh resources then slam de door in yuh face

Jun 08, 2025 Dem Boys Seh, Features / Columnists, News

Dem Boys Seh…

Kaieteur News – Dem boys seh de West got a funny way of showing love. Fust dem come wid Book in one hand and bayonet in de next, telling people about salvation while emptying de treasury. Dem colonize yuh, loot yuh gold, oil, sugar, and even yuh soul.

Then, after tekking every coconut and mango tree and leaving yuh dry like salt fish, dem turn round and seh, “Y’all backward and poor. Try develop yuhself!”

But wait! When yuh actually try to run from de poverty dem create and knock pon dem door, dem slam it shut.

Now Uncle Trump come back louder than ever, deciding who should and shouldn’t come in to de Land of Milk and Misery. He tek a list—twelve countries long—and say, “No entry!” Like he is de new Moses, parting de border with executive orders. And guess who on de list? Haiti. Poor Haiti. De same Haiti America mash up, invade, exploit, and occupy like it was a Walmart clearance sale. Dem boys seh if Haiti had a frequent flyer card for American troops, it woulda reach platinum long time.

Trump seh he protecting America from criminals and chaos. But how yuh gon ban Haitians when y’all help build de chaos? America was in Haiti more times than a bad boyfriend—come, use yuh, mash up de place, then ghost yuh. Dem even instigate fuh overthrow de elected President of that country. And de masterminds of de murder of de last president did living in USA. America’s hands are not clean!

Now Haitians can’t even apply for a visa. Dem get de same treatment like somebody trying to return foods to a supermarket— “No refund, no entry, get out!” Dem boys seh dat is like tekking a man boat, sinking it, and then jailing him for swimming.

But don’t worry. History got a funny way of spinning round. One day de same people you lock out might be de same ones you knocking on to get in. And when dat day come, dem Haitians might just look through de peephole and whisper, “Access denied.”

Latest News