Latest update September 20th, 2026 10:40 AM
Mind yuh language!
Dem Boys Seh…
Kaieteur News- Dem boys seh how people does sometimes talk too much and mek trouble fuh demself. And dem boys does gat to advise dem that when dem go to job-interview, dem muss be careful what dem say.
Deh got this story bout three fellas who guh fuh a wuk interview, and lemme tell yuh, things did tun up funny bad.
De fuss man guh in, sharp like razor blade. He answering questions like he write de whole book pon de job. End of de interview, de boss man ask he, “Yuh notice anything strange ’bout me?”
De man seh, “Yeah boss, you ain’t got no ears!”
De boss face get vex like pepper, and he holler, “Outta me office! I sensitive ’bout me ears!”
De second man go in. He smooth like butter. Even negotiate a bigger salary! But same ting happen. De boss ask he, “Yuh notice anything strange ’bout me?”
De second man seh, “Yeah, boss… yuh ain’t got no ears!”
De boss blow gasket again. “Out! I seh OUT!”
Now de third man stand up outside, and de fuss two warn he. “Don’t seh nutten ’bout de man ears! Yuh guh done fuh sure!”
So de third man go in. He bright like de morning sun, wukking he magic in de interview. Den de boss drop de same question, “Yuh notice anything strange ’bout me?”
De third man squint, study de boss hard, and den seh, “Yeah boss, yuh does wear contact lens, eh?”
De boss get excited, “Wow! How yuh know dat?”
De third man grin and seh, “Cause you sure as hell can’t wear spectacles!”
Talk half. Leff half.
(Mind yuh language!)
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
