Dogs got GECOM buying running shoes

Jul 29, 2019 Dem Boys Seh, Features / Columnists

30Dem got wicked and spiteful people in Guyana. Some of dem so wicked and spiteful that people can’t get vex wid dem.
GECOM plan fuh house to house registration. After de chairman resign de notice come out and de exercise start. But GECOM should have been ready to hold elections at short notice.
From de time dem start de house to house registration Jagdeo tell he supporters to ignore dem. Dem boys seh that stricter de government, de wider de population. From de time Jagdeo tell he supporters not to get registered, out comes Ramjattan fuh tell people that dem can go to jail fuh refusing.
De odda day dem boys notice de number of dog food vendors and dem wonder if more people got dogs. Dem find out last weekend. De registration people most times, does call at de gate. Some of dem does just walk in de yard.
Dem boys see some people run like if dem was training fuh Olympics. Some people see children coming down de steps and going to de back of de yard. Next thing you know is dogs come running at de GECOM people.
Dem is de people who got an excuse. All dem saying is that dem willing to register but that de dog stop de people from coming in de yard.
And de people who doing de registration look so nice wid dem white T-shirt and blue skirt like if dem is city constables. Of course, dem got to walk when dem doing de job and at these times is not easy. If de rain is falling bucket-a-drop de sun shining down in all its glory.
And as dem boys note, de country now got some cruel people. Dem don’t even offer de registration people a glass of cold swank or even water. That’s why de registration gun tek long. De people getting tired quick.
But is de dogs that mekking some of dem forget how tired, dem tired.
Talk half and watch GECOM place an order fuh track shoes.

Discover more from Kaieteur News

Subscribe to get the latest posts sent to your email.

Latest News