Volda choking pon she own words

Dec 03, 2018 Dem Boys Seh, Features / Columnists, News

Volda mek a statement dat got people looking at she in a different light. She tell she PNC supporters and followers how all she friends is PNC and how she would only give jobs to PNC people.
Some seh she should resign and some seh Soulja Bai should move she.
De KFC leader put out a statement on de matter last night, which some people seh was dancing in de wind. He didn’t repeat wha Volda seh, he didn’t name she and he didn’t condemn she.
Dem boys don’t believe dat statement speaks for all de KFC members and supporters because dem boys know some people fuh sure who will not tow dat line.
Dat statement was very vague and dem boys believe dat de KFC leader want pull wool over people eyes.
Dem boys know a lot of people feel uncomfortable to talk on de subject of discrimination in any form, be it race, political, and gender. But people should not feel uncomfortable discussing things like dis.
Dat type of statement wha Volda mek about wuk should only be fuh party people should and must be brought in de open for debate.
Dem boys believe dat if dis thing ain’t discussed publicly, it could become a cancer and Guyana would not be able to deal wid it.
Soulja Bai should come out and seh something. He party people should come out unless all of dem tinking alike.
Dem boys want Volda to know dem got people who don’t belong to de PNC or to any party. Wha Volda saying is dat dem can’t get wuk wid she.
She got a big budget fuh she Ministry. Wha she saying to Guyana is nobody from de KFC, de PPP or any party odda than de PNC can get contract.
All de people who gon get wuk in de Ministry of Health gon be PNC, down to cleaners, de weeders and de janitors.
Dem boys now know how HDM Lab in America get dat big drug contract. People believe is a PNC deal; is a payback fuh de money de owner give de party.
Leaders must be held accountable fuh dem words and dem actions. If people don’t deal wid statements like dis then discrimination will be de order of de day.
Never mix your words with your mood because you’ll have many options to change your mood but you will never get any option to replace your spoken words.
Talk half and hope all de leaders pay attention to dat.

Discover more from Kaieteur News

Subscribe to get the latest posts sent to your email.

Latest News