Latest update April 16th, 2026 12:40 AM
De Chat-3 charging Jordan
De Chat-3 seh he gun carry Jordan to court because he put de money de government get from Exxon in some account that giving it United States dollar profit. He claim that dem should put de money in de Consolidated Fund wheh it deh fuh anybody to spend. It wouldn’t get interest.
De whole thing start when SOCU charge Ashni, de shaat scamp and Brassington, de fat crook. Dem get charge fuh selling government property way below wha it worth and dem sell it to friends and family. Lula do less than that and he get jail fuh 12 years.
Dem boys seh de charge gun be because Jordan put de money to mek a profit. Indeed, de money mek a handsome profit. In one year de money mek US$36,000 profit. That money can pay some pensioners a good raise.
In fact, if de money stay in that account by de time de court case call in de ICJ de money gun mek nearly $1 million in profit. That is why de Chat-3 carrying him to court.
When Jordan get charge it wouldn’t be an ordinary charge. De Chat-3 seh it gun be a criminal charge.
Now dem boys frighten fuh invest in anything that paying an interest. But de Chat-3 got to get somebody to represent him in court because he got he own court problem. He get charge fuh thiefing law books.
And dem boys notice that Brassington getting medical attention. He tek in wid he heart de day SOCU file de charge. Since then he sleeping wid one eye open because he hear bout extradition. He expect de Feds to tun up at he door any minute.
He was planning to go to hide at a brudda but de same brudda got a wife who seh she can’t afford to feed him. Is old house pun old house.
Talk half and wait fuh Chat-3 to charge Jordan.
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
