Latest update November 19th, 2026 10:20 AM
Nov 19, 2026 Dem Boys Seh, Features / Columnists, News
(Kaieteur News) – Dem boys used to think dat minibus did run things pun de road. Dem boys does still see dem minibus overtaking, undertaking and mistaking pun de road.
Some ah dem minibus does use de road as if is wan airstrip. Dem flying down de road like dem Concorde. Only difference is dat Concorde used to carry passengers across de Atlantic, while some ah dem minibus drivers carrying passengers across de road, across de parapet and sometimes across de pearly gates!
And when dem stap pun de road, traffic gat to stap also. Because dem stap in de middle ah de road. Dem boys believe some ah dem drivers think de road belong to dem and everybody else is just renting space.
But if you think mini bus bad, tek second think. Dem garbage truck tek win!
When dem picking up garbage, dem nah gat no concern bout traffic. Ambulance and police siren can be blasting and still dem nah move. You gat to wait tell dem done wah dem doing, bear dem smell, before you get to pass. If yuh in a hurry and garbage truck pun de road, yuh gat to reverse.
Dem boys seh some ah dem garbage truck drivers does behave as if dem carrying gold bullion instead of garbage. Dem got a whole road behind dem, but dem nah care. Dem picking up garbage one bin at a time, and everybody else got to pick up patience by de bucket.
And dem garbage truck does create another problem. Dem collecting garbage, but leaving behind a trail of garbage smell so powerful dat even people who living two streets away does know when collection day is. Some people does hold dem nose, others does wind up dem windows, and dem boys know one man who turn off he air condition because he thought de smell was coming through de vents!
Dem boys seh we need to remind dem drivers dat collecting garbage is a public service, not a licence to hold de entire country hostage. De road is for everybody, not just for dem truck, de minibus and anybody who feel like parking where dem please.
Dem boys now understand why traffic does move so slow. Is not because Guyana gat too much traffic. Is because too many people believe dem own de road.
At this rate, dem boys waiting fuh see de next development. Maybe dem garbage truck gon start charging toll fuh letting traffic pass. Or perhaps dem minibus drivers gon start issuing tickets to motorists who blow dem horn.
One thing certain: in de battle between minibus, garbage truck and ordinary motorist, garbage truck tek win. At least when de minibus driver stop, yuh could cuss he. When de garbage truck stop, yuh got to cuss he while holding yuh nose!
Talk Half! Leff Half!
Subscribe to get the latest posts sent to your email.
Nov 19, 2026
…16-year-old S/A U18 record-holder becomes third Guyanese athletics talent to secure partnership By Rawle Toney (Kaieteur News) – Sixteen-year-old Guyanese middle-distance sensation Olivia...Nov 19, 2026
(Kaieteur News) – There is something particularly obscene about welcoming the labour of desperate people, making use of their willingness to work, and then permitting landlords to turn the migrant’s desperation into exploitative business. Guyana, in its headlong rush to prosperity, appears to...Nov 01, 2026
By Sir Ronald Sanders (Kaieteur News) – When Commonwealth leaders gather in Antigua and Barbuda from 1st to 4th November, they should address a question that reaches beyond their association: how can countries of different size, wealth and outlook sustain cooperation in a world increasingly...Nov 19, 2026
(Kaieteur News) – Let’s do the math. The issue is the now deferred ex-presidents’ benefits bill. The bill is so disparaged, so denounced, that its official name is spat upon. The math says that three of the four ex-presidents are older than I am. One is over 80 years old; two are...Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: glennlall2000@gmail.com / kaieteurnews@yahoo.com