Trump straightening out de military

Jul 27, 2017 Dem Boys Seh, Features / Columnists, News

De world does really turn. One day it pointing in one direction and de next day it mek a complete turnaround. Dem boys don’t mean like when you looking at the sun in de east and de next day you looking at de west. Dem mean that one day something right and de next day it wrong.
Fuh quite a while de world decide to talk about discrimination. People start to claim how anybody who discriminate gun be prosecuted. For example, in de States, if a man did shout anti-gay slogan the police might arrest him.
Obama tek de thing further, he decide to let everybody choose wha dem want to be. If a man think he is a woman then de law allow him to be a woman. De problem was that dem never use to put him in a woman jail. That woulda cause real confusion.
In de same way, if a woman think she is a man then she could behave like a man. But she too couldn’t go in a man jail and serve time because she woulda serve she sentence lying down,
Now Trump changing all that. Obama tek de hint and accept de slogan, “Don’t ask, don’t tell’. People join de army. Some sign as male, some as female and some as ‘trans’.
And that is how dem boys get to know wha de car ‘TransAm mean’. Is a car you can ride to heaven wid a smile pun you face, but de same car can ride you to hell when it done wid you bank book. It playing both ways.
Trump suddenly announce that he done wid trans in de army. But dem already have a few in de army. De generals dem want to know if dem got to knock off all de trans.
And if dem have nuff in Iraq or Afghanistan, then you got to call dem home and if dem more than de regulars, is serious problems wid de overseas placement.
All who use to go in any toilet dem please got to go in wheh dem belong.
Dem boys seh Trump mek all dem man who think dem is woman change back to man and vice versa. De problem now is wha gun happen when people try to talk bout discrimination. Of course some people believe that Trump discriminating wid de military.
Talk half and watch how Trump straightening out de army, navy and air force.

Discover more from Kaieteur News

Subscribe to get the latest posts sent to your email.

Latest News