$$$Oil does corrupt weak Govts; and Guyana politicians far from strong

Jul 04, 2017 Dem Boys Seh, Features / Columnists, News

Last month was June and that is de month of brides. July is when dem does bruck up after a month of marriage. Ask de coalition govt. Big trouble going on now and dem boys ain’t talking bout husband and wife or same sex marriage.
De relationship inside de coalition start getting sour when Soulja Bai move Roopnaraine from de Education Ministry. At de height of de row de head fuh de Hay Heff See seh, ‘I should have married de devil and have a better life,”
Soulja Bai tun and tell Trotty, “You would have been arrested. In this country marriage between relatives is illegal.”
Dem boys know is only one devil he coulda marry and that is Jagdeo. He and all you can’t trust. He does married and de world see he married and he does still seh he nah married. How can you trust such a devil?’
He was a politician who ruin this country fun twelve years and also ruin de three wha Donald Dum was serving. How can anybody trust these politicians to make decisions with de people daily bread? You definitely can’t trust dem wid our oil wealth. And is not dem boys seh suh. Is an international magazine name de Economist, that is more respected than nuff world leaders.
De exact words de magazine use to describe Guyana is ‘Oil corrupts weak governments and Guyana is far from strong.”
Dem boys believe Soulja Bai gun get vex, not de rest of dem, including that scamp Jagdeo. He beating he chest every morning when he wake up and every night when he go to sleep fuh being out de loop.
As fuh Ashni and Brassington? Call de ambulance because dem woulda wipe out de whole of Guyana. Dem boys wondering if wid this govt dem got to clean up de cemetery because ExxonMobil could corrupt all of dem.
Dem boys believe some done tek pay already because some simple questions nobody answering, not even Soulja Bai.
Dem boys believe Soulja Bai honest and people seh suh too but dem begging him not to swear fuh nobody in de coalition. He must swear only fuh himself and self alone.
If he opening he eyes he tekking lang fuh see wha going on and who he dealing wid.
Talk half and Tell Soulja Bai careful wid de advisors on de oil.

Discover more from Kaieteur News

Subscribe to get the latest posts sent to your email.

Latest News