Latest update June 16th, 2026 12:40 AM
Soulja Bai operating like Saila Bai
When pot tell skillet he bottom black that is the ultimate insult. Jagdeo call a press conference to tell reporters how de government in a cover-up. Everybody can remember when Jagdeo was not only de master of cover-up but was also de master of hiding everything, till he hide from heself.
But de real problem is that de government should never let things reach de stage wheh it got to do damage control.
Rum Jattan seh that all of dem is human and that dem gun mek mistakes. That is true, but mistakes mustn’t be beefsteaks. Dem boys want to know how you gun rent a place and don’t even know if it finish.
In this day and age nobody don’t buy pig in bag. But Soulja Bai like he sailing. Dem boys don’t want to call him Saila Bai. He got to step up and rule, because that is wha people accustom to. He can’t worry about who seh he is a dictator. De people who deh behind him want to see action or dem gun get really vex wid him.
How he can sit down and mek a man tell him that he settle because de other man threaten to sue. De people at de Waterfalls paper now threatening de boss man. Dem write a threatening letter to him demanding nuff money. But dem smart. Nobody ain’t sign dem name, because de boss man would never do wha Basil de Willie do.
Of course, dem boys seh that if Soulja Bai call on him to pay back that money, bet he wouldn’t settle another court case. Jagdeo people never use to settle; dem use to ignore everything, including de court decision.
Since Rum Jattan seh all of dem in de government is humans dem boys wondering wha next dem gun see or hear. Dem hope that dem don’t hear that de government trade Ohh Pee fuh Freedom House.
Talk half and poke Soulja Bai
Share this:
Discover more from Kaieteur News
Subscribe to get the latest posts sent to your email.
Similar Articles
THE BLUNT OF THE DAY
Sports
Features/Columnists
Sir. Ronald Sanders
The GHK Lall Column
Weekend Cartoon
