Latest update September 15th, 2026 10:20 AM
Dem boys seh…Kak pass and BK, others smiling
It use to be a time when de fastest way to mek real money was to get govt contracts. Now dem boys seh it got a faster way—get de contract, eff it up, sue de government and then mek an out of court settlement.
De govt and BK had a contract fuh a dump site. De wuk was messed up and de government wanted to tek way de contract. Walter Willis dead Monday. He ain’t bury or bun yet, but wheh ever he deh he head spinning to see how quick dem arrive at a settlement.
Just de other day de Waterfalls paper talk about an out of court settlement fuh a certain figure.
De AG, Basil de Willie, jump up and seh no agreement ain’t reach. He cuss down de Waterfalls paper how dem boys misleading de nation.
Walter Willis tell dem boys to hold dem ground that coupler morning gun prove dem right. Walter ain’t even cold and he word come to pass. Is like dem was only waiting fuh de man dead.
Something ain’t smell right and dem boys ain’t got no bad nose. Fuh sure dem ain’t smelling a Rat. De thing more stink than that.
Dem boys seh this whole thing start wid Jagdeo. When Willis start to complain bout BK and de dump site contract, Donald get Robeson to move Willis.
In de end de same Donald throw out de garbage from de dump site and BK follow. That set de stage fuh this unbelievable lottery settlement.
Dem boys hear that BK claim fuh damage to reputation, emotional, physical and spiritual stress, and insult to his impeccable name. Based on that he was granted de settlement of close to US$6 million.
Right away dem boys know big kak pass. Dem hope Guyana can sit down after that lumber.
Talk half and call pun Soulja Bai to set up a COI—a Claim Of Injustice to de people of this country and de tax dollars.
Share this:
Discover more from Kaieteur News
Subscribe to get the latest posts sent to your email.
Similar Articles
Website Hits
Blunt of the day
Sports
Features/Columnists
Sir. Ronald Sanders
The GHK Lall Column
Weekend Cartoon
