Latest update April 11th, 2026 12:35 AM
Latest News
- U.S. EXIM Bank signals interest in major Berbice Deep-Water Port project
- Pres. Ali pushes urgent drive to unlock Guyana–T&T economic partnership
- ASL aircraft crashes in Region 8; GDF launches rescue mission
- Seven-year-old Isabella laid to rest
- Iranian delegation lands in Islamabad ahead of ‘make-or-break’ talks
Donald leading a bunch of crooks
Nobody ever believe that Donald is a criminal. Dem know that he leading a bunch of criminals, but everybody think he was different.
This man sit down and hear he Chief lawmaker and buddy friend tell a man to get de f*** out of de office quick because people gun come in soon and shoot up. And Peter gun pay fuh Paul and Paul gun pay fuh all.
Imagine Donald ain’t seh nutten bout this criminal behaviour. Instead he run fuh hug and kiss he law maker. That thing shock everybody and now dem beginning to think different of Donald.
This is de man who people seh is a puppet of de man who look like de devil. When dem watch Donald dem see that he start looking like a devil, too, but in disguise.
Dem boys want to know if he really believe wha de statement seh in support of that crook. Dem boys hear that de man who look like de devil write de statement and he give Donald fuh read, de same way how he write de statement and give Priya fuh read at de Ambassador house early this year.
Dem boys want know if Donald ain’t shame fuh walk de road tomorrow and smile and wave and shake people hand.
Talk half and wake up and smell de coffee, Donald.
Share this:
Discover more from Kaieteur News
Subscribe to get the latest posts sent to your email.