Latest update June 21st, 2026 12:48 AM
Latest News
- Guyana paid off Exxon for 7 oil projects but still to receive full 50% profits agreed to in contract
- Gas-to-Energy contractor wriggles out of U.S. lawsuit alleging multi-million $$$ fraud
- One dead, several injured in three-vehicle smash-up at Providence
- Iran closes Strait of Hormuz
- State grants accounted for nearly a third of GPL revenue in 2024 — PUC Report
Dem boys seh…Guyana got nuff camel
Is a good thing dem build de four-lane highway to Providence. If that didn’t happen Donald and Sam and some other big ones couldn’t get to de show. Uncle Adam had to go to Princess to drop something fuh he relative. He lef home at 10 to seven; he reach Princess at 8:30.
But Donald and dem big ones had outriders fuh drive dem up de one-way. If dem had to sit in traffic like Uncle Adam dem woulda miss de start of de show because it woulda tek dem two hours to drive from Houston to de stadium.
Wha cause de problem? People had to turn in to park and de poor police couldn’t direct de traffic. Well dem boys want to know wha woulda happen if dem didn’t have de park. De road woulda block up.
Dem boys want to see if Donald gun ban shows at de stadium since dem affecting de normal people who want to travel pun dem own business. People who was going home to Eccles and to Nandy Park had problems. Dem pickney in de car crying because dem hungry and who ain’t hungry want sleep.
Of course, de organisers of de show mek big announcement that no alcohol allowed. Dem didn’t realize that Guyanese smart. Man and woman tun camel. Dem fetch de likker in dem stomach. Dem don’t know if dem woulda let out de likker in some bottle and then tek dem drink in comfort.
But is not all of dem who drink up reach de stadium. Some of dem crash and dead. One set dead at Craig. Another set had problems at Enterprise. Two minibus and a car trying fuh reach wheh dem going and as old people seh, more haste, less speed. Two of dem end up in trench. People who lef home smelling like a rose end up smelling of de stink mud. Some loss shoes, some loss purse and some end up in hospital.
But de worse thing that happen is that some people don’t mean to done wid this cocaine smuggling. Somebody pack cocaine in a tonic but de lady who was to carry it lef it back because she smell a rat. De family who she lef it wid decide that dem gun build up dem system. Dem drink and four of dem dead.
Now dem boys tek an oath that if dem got to travel overseas dem ain’t carrying nutten fuh nobody. Who want send cocaine got to carry it fuh demself.
Talk half and pray fuh de people who suffer.
Share this:
Discover more from Kaieteur News
Subscribe to get the latest posts sent to your email.